रितिका महर्जनं त्याकल ईन्टर स्कूल टेलेन्ट हण्ट

रितिका महर्जनं त्याकल ईन्टर स्कूल टेलेन्ट हण्ट

   २०७५ आषाढ ३१          

थीथी कथंया इभेन्ट व सामाजिक ज्याय् पलाः न्ह्याकाः वयाच्वंगु नेक्सर एजेन्सीया ग्वसालय् थुगुसी स्वक्वःगुखुसि जूगु ईन्टर स्कूल टेलेन्ट हण्टय् रितिका महर्जनं मू उपाधि त्याकूगु दु ।

सिरपाः कथं रितिकायात ग्वसाः खलःया जि उमा ताम्राकारं झिद्वः तका दांया लिसेलिसें निर्णायक मण्डलया कजि पुष्कर माथेमां ट्रफी व दसिपौ लःल्हानादीगु खः ।

अथेहेतुं, ईन्टर स्कूल टेलेन्ट हण्टया न्हापागु सिजन त्याकूम्ह नस्वाः जोशीं थुगुसी उपाधि त्याकूम्ह रितिका महर्जनयात मतू (क्राउन) पुइकूगु खः ।

थ्वहे झ्वलय् थुगुसीया कासाय् फस्ट रनरअप जुइत प्राज्ञी थापा ताःलाःगु दुसा आर्शिका खतिवडा सेकेण्ड रनरअप जुइत ताःलाःगु खः ।

सेकेन्ड रनरअप जूम्ह आर्शिका खतिवडां मिस पर्सनालिटी व मिस टेलेन्टया सिरपाः नं त्याकूगु खः ।

Views: 1