स्वनिगलय् स्वन्हु साढे ४ घौ लोडसेडिङ जुइगु

स्वनिगलय् स्वन्हु साढे ४ घौ लोडसेडिङ जुइगु

   ने. स. ११३७ दिल्लागा चतुर्थि, बिहीबार          नेवाः दबू सम्वाददाता

स्वनिग:या छुं सीमित थासय् स्वन्हुया नितिं लोडसेडिङ जुइगु जूगु दु ।

वइगु शनिवाः, आइतवाः व सोमवाः स्वनिग:या थीथी थासय् प्यघौ (साढे ४ घौ) विजुली बन्द जुइगु जानकारी ब्यूगु दु ।

नेपाल विद्युत प्राधिकरणया कथं सबस्टेशन अटोमेसन सिष्टमसम्बन्धी ज्या यायेमाःगुलिं असार ३१ गते बागमती व धोबीखोला क्षेत्रय् सुथय् ८ ता ईनिसें १२ ता ईतक विजुली बन्द जुइगु जूगु दुसा न्हूबानेश्वर अन्तर्राष्ट्रिय सम्मेलन केन्द्र व शंखमुल क्षेत्रय् न्हिनय् १ः३० ता ईलंनिसें ६ ता ईतक बिजुली बन्द जुइगु जानकारी प्राधिकरणं ब्यूगु दु ।

अथेहे, साउन १ गते बानेश्वर व काटेश्वर क्षेत्रय् न्हिनय् १ः३० ता ईनिसें सनिलया ६ ता ईतक बिजुली बन्द जुइ । साउन २ गते इमाडोल क्षेत्रय् सुथय् ८ ता ईनिसें १२ ता ईतक विद्युत सेवा अवरुद्ध जुइगु प्राधिकरणं जानकारी ब्यूगु दु ।

थुकिया लिसेलिसें च्वय् क्वःछिनातःगु उगु थासय् मेमेगु इलय् छुं ई आकस्मिक रुपं नं छुं ई विद्युत सेवा बन्द जुइफइगु प्राधिकरणया भार प्रेषण केन्द्र जानकारी ब्यूगु दु ।

Views: 4