वसन्त

वसन्त

   ने. सं. ११३७ दिल्लागा          दुर्गालाल श्रेष्ठ

सिरि सिरि फसं जितः कुचु कुचु नकल
जउभन मुसु मुसु काल

वाउँघाँय्या लासाय् द्यना मन जिगु वाउँल
मुखू ब्यनाः होगु स्वानं जितः न्हीकल
नागेबेलि गुँया लँपु जितः न्याकुं काय्कल
झ्वालां स्यन छम छम चाल

लहरान हितु हिनाः स्यन माया यायेगु
नस्वालन स्यन जितः मन ब्वयेगु
झंगलया सलं जिगु रसं जाःगु नुगल
म्य जुयाः म्हुतुं भयेबिल

वसन्तया अयलाखं धेधे च्वीकाः जउभन
मिखायागु झ्याले वयाः पिया च्वन
कुलिचिंगु सँया दुने सुलाः सुलाः थ्व मन
फिरि फिरि सनाः म्हिता च्वन

भम्बः वल स्वां न्हिल जितः गिजे याःथें जुल
पिया पिया च्वना अय्नं पिया मझाल
क्यब लिसे वसन्त नं लसपस सन सो
झासँ पिया, मन हथाय् चाल

Views: 34

Comments