सञ्चार नीति समावेशी दयेकेत माग

सञ्चार नीति समावेशी दयेकेत माग

   ने. स. ११३६ बछलाथ्व पारु          नेवाः दबू सम्वाद्दाता

न्हापांगु पत्रकारीता दिवसया लसताय् नेवाः पत्रकार राष्ट्रिय दबू केन्द्रीय कार्यसमितिं थौं यलय् संंचारमाध्यमय् समावेशीकरण बिषयक अन्तर्क्रिया ज्याझ्वःया ग्वसाः ग्वःगु दु ।

सरकारं काशीराज दाहालया अध्यक्षताय् दयेकूगु सूचना तथा सञ्चार नीति उच्चस्तरीय समितियात छ्याता बीगु आज्जुं पत्रकार व समितिया दुजःतय् दथुइ जूगु अन्र्तक्रियाय् वक्तापिन्सं सूचना तथा सञ्चार सम्बन्धी नीतिया मस्यौदाय् सञ्चारमाध्यमयात समावेशी दयेकेमाःगु विषययात नीतिया मुलखण्डया हे रुपं तयेमाःगु खँय् बः बिल ।

ज्याझ्वलय् नेपाल भाषाया न्हिपौ सन्ध्या टाइम्सया सम्पादक लिसें वरिष्ठ पत्रकार सुरेशकिरण मानन्धर, गोरखापत्र न्हिपौया प्रधान सम्पादक पुष्करभक्र माथेमां समावेशीया मुद्दालिसें उकियात व्यावहारिक दयेकाः दक्षता अभिवृद्धिया विषयत नं न्ह्यःने यंकेमाःगु खँ न्ह्यथनादिल ।

उगु हे ज्याझ्वलय् सञ्चार समितिया दुजः लिसें नेपाल आदिवासी जनजाति पत्रकार महासंघया नायः दण्ड गुरुङ्ग, मधेशी पत्रकार समाजया नायः अले समितिया दुजः मोहन सिंहं राज्यं एक भाषा, एक भेष व संस्कृतिया नीति ज्वनातःगुलिं समावेशीकरणयात प्रारम्भिक मस्यौदाय् समावेश यायेत थःपिन्सं पहल यानाच्वनागु जानकारी बियादिल ।

समितिया दुजः शुभेच्छाबिन्दु तुलाधरं सञ्चारमाध्यम हरेक दृष्टिं समावेशी जुइ आवश्यक दुगु धयादिल ।
नेवाः पत्रकार राष्ट्रिय दबूया नायः श्रीकृष्ण महर्जनया सभानायकय् जूगु ज्याझ्वलय् दंगु विषययात कःघानाः वइगु सोमबार समितियात ज्ञापनपौै लःल्हाइगु धाःगु दु ।

Views: 20

Comments