मातृ सशक्तिकरणया नितिं उद्घोषण तालीम

मातृ सशक्तिकरणया नितिं उद्घोषण तालीम

   ने. स. ११३६ बछलाथ्व पारु          नेवाः दबू सम्वाद्दाता

मातृ सशक्तिकरण समूह व रेडियो उपत्यका ८७.६ मेगाहर्जया मंकाः ग्वसालय् येँय् रेडियो उद्घोषण तालीम न्ह्याःगु दु ।

परीवर्तनको लागी समाज नेपालया ग्वसालय् जूगु ज्याझ्वलय् नेपाली कांग्रेसया सांसद नवीन्द्रराज जोशीया ज्याझ्वःया उलेज्या यानादिल ।ज्याझ्वलय् रेडियो उपत्यकाया नेपालभाषा ज्याझ्वः प्रमुख प्रज्वल शाक्यं लसकुस यानाद्यूगु खःसा तालीमया बारे प्रशिक्षक बिराजकाजी राजोपाध्यायं जानकारी बियादिल ।

नुगः खँ तयेगु झ्वलय् येँ क्षेत्र ल्याः ८ या सांसद् नवीन्द्रराज जोशीं सयेके सीकेगु नितिं मन बियाः साधना यायेत सकसितं इनाप यानादिल । ज्याझ्वलय् नारायण परिवार क्लबया नायः प्रचण्डमान बज्राचार्य, मातृ ससक्तिकरण समूहया नाय त्रिपुरालक्ष्मी जोशीलिसें नं थःथःगु नुगः खँ तयादीगु खः ।

ज्याझ्वलय् पाहांपिन्त मातृ ससक्तिकरण समूहया सल्लाहकार बालकृष्ण महर्जनं खादा कोखायेकाः लसकुस यानादीगु खःसा मूपाहांपाखें तालिम सामाग्री हस्तान्तरण जुगु खः ।

समाजको लागी परीवर्तन नेपालया नायः भगवती जोशीया सभानायकय् जूगु ज्याझ्वलय् रेडियो उपत्यकाया संस्थापक नायः व नारायण परिवार क्लबया पूर्व नायः चक्रमान डंगोल लुमन्तिइ १ मिनेट मौन धारण नं यागु खः ।

Views: 20

Comments