गजल

गजल

   ने. स. ११३६ चिल्लागा नवमि          सौरव शाक्य

saurab

गुलि नं कयागु खः फुकं फगत आस आस जुल
पीरं हायेक वयाः यक्व जीवन त्रास जुल ।

थःहे जक म्वायेगु जीवनया त्राण मखु
सुयातं बः कयाला थःहे जक -हास जुल ।

समानता, न्याय, शान्ति देशय् गुबले वइ
प्युप्युं झन हे स्वले आस जक नास जुल ।

मदु मदु छुं हे मदयावन झन हे थ्व देशय्
धात्थेँ मनूत धमाधभ म्वाःगु लास जुल ।

देश खः उगुथाय् गुगु धइच्वना झीगु नेपाः
न्ह्याथायनं आःला मभिं मनिंया बास जुल ।

Views: 13

Comments