पिया च्वना छंत जिं पिया हे च्वने

पिया च्वना छंत जिं पिया हे च्वने

   ने. स. ११३६ पोहेलागा पारु          संगीता श्रेष्ठ

sangeeta-shrestha

पिया च्वना छंत जिं पिया हे च्वने
पियाः पियाः हे तुं जिं जीवन न्ह्याका च्वने
वयेमा मवयेमा थ्व छंगु खुसि
पिइगु ज्या खः जिं पिया हे च्वने ।

 

मखंम्ह छंत जिगु थ्व नुगलं खंकल
खनका म्वाल, छाय् नुगलं यल धाल
ययेवं थ्व नुगलय् बासँ छ च्वनाबिल
म्हगस थें थ्व मिखां छ्ंत खंका हे च्वने
वइ धइगु आशं छंत जिं पिया हे च्वने ।

 

दिं फुत, ई न्ह्यात, लकस नं हिल
पियाम्ह छंत जिं पियाच्वना, परिस्थिति हिल
हथाय् चायाः नुगः भाराभारा सं थें जुल
आशं जक क्यंकाः सां नुगः ह्येका हे च्वने
जीवन हे फुसां तबि छंत जिं पिया हे च्वने ।

Views: 75

Comments