थिंला पुन्हिया मे

थिंला पुन्हिया मे

   ने. स. ११३६ थिंलाथ्व पुन्हि          नेवाः दबू

त्यःछिंत्यः बकछिंत्य
झतपत बियादिसँ खिउँइन द्यः
दाजु पीत किजापिं, कका मुमा भिंचापिं
तजिलजि थह्यंकेत वया च्वनापिं — २
नखःचखः स्वात्तुस्वां, वयाः धाइ घ्वात्तुघ्वां
पुलां नखः न्हूगु रीतं हनेमसःपिं — २

ब्वनाः सयेका सःस्यू जुइ, समाजया दुःख फुइ
थ्व हे भाःपाः धेबा फुकाः ब्वनाच्वनापिं — २
थःगु धैगु थःगु जुइ, कतः नालां धोखा जुइ
भाषा, धर्म व संस्कृति गुकथं भिनी — २

नसात्वँसा विचार न्हूगु युगया सञ्चार
छ्यले सयेकेमाल झीपिं नेवाः जुइत — २
रीति थिति संस्कार, ज्या मछिंगु भण्डार
सकसितं ज्या छिंकथं यायेनु सुधार — १
थीचा थीचा जूपिं नेवाः छवाः जुइत — १

Views: 9

Comments